នៅថ្ងៃទី ០៩ ខែឧសភា ឆ្នាំ២០១៤ បុគ្គលិករោងចក្រផលិតស្រាបៀរអង្គរបានសម្រេចចិត្តចូលធ្វើការវិញបន្ទាប់ពីថៅកែរោងចក្រទទួលយកសំណើរសុំតំឡើងប្រាក់ឈ្នួលគោលទាបបំផុត ១៥០ដុល្លារ ដែលការទាមទារ តាំងពីថ្ងៃទី ០៨ ខែឧសភា ឆ្នាំ២០១៤ កន្លងមក។
យោងតាមលិខិតស្នើរសុំរបស់កម្មករ
និយោជិត ដែលដាក់ទាមទារជាមួយថៅកែរោងចក្រផលិតស្រាបៀរអង្គរ
ដើម្បីដោះស្រាយក្នុងការដំឡើងប្រាក់ខែសម្រាប់កម្មករនិយោជិត
គ្រប់ផ្នែកមាន ទី១
សូមឲ្យមានការដំឡើងប្រាក់ខែគោរពទៅតាមគោលការណ៍របស់ក្រុមហ៊ុន ទី២
សូមឲ្យមានការដំឡើងប្រាក់ខែឲ្យសក្តិសមទៅតាមតួនាទី
និងស្នាដៃការងាររបស់កម្មករនិយោជិត ទី៣
សូមកំណត់ឲ្យបានទាបបំផុតនៃប្រាក់ខែគោលរបស់កម្មករនិយោជិតត្រឹម
១៥០ដុល្លារ និងទី៤
សម្រាប់កម្មករនិយោជិតផ្នែកបច្ចេកទេសសូមឲ្យមានការកំណត់ខែគោលឲ្យ
បានសមរម្យ។ លិខិតរបស់ក្រុមកម្មករនិយោជិតក៏បានបន្តទៀតថា
មូលហេតុដែលធ្វើឲ្យពួកគេធ្វើការទាមទារ
ដោយសារតែការតំឡើប្រាក់ខែរបស់ក្រុមហ៊ុនកន្លងមកឃើញថា
គ្រប់ផ្នែកទាំងអស់តែងតែមិនទទួលបាននូវការតំ
ឡើងប្រាក់ខែឲ្យបានសមរម្យទៅនឹងគោលការណ៍របស់ក្រុមហ៊ុន
និងការងារបច្ចេកទេសនោះទេ។ ខ្លឹមសាររបស់លិខិតក៏បានសង្កត់ធ្ងន់ថា
ការងារផ្នែកបច្ចេកទេស មានហានិភ័យខ្ពស់ជាមួយនឹងអាយុជីវិត។
លោក រ៉ន ជីវ័ន្ត
បុគ្គលិកផ្នែកវិស្វកម្មករ(Engineering) បានមានប្រសាសន៍ថា
ក្រុមហ៊ុនស្រាបៀរអង្គរជាមួយដែលមានស្ថិតក្នុងលំដាប់ស្តង់ដារ
ហេតុអ្វីបានជាគ្រាន់តែដំឡើងប្រាក់ខែឲ្យកម្មករនិយោជិតឲ្យបានសមរម្យមិនបាន?
លោក តាំង ណារ៉េន
បុគ្គលិកផ្នែកស្ងោរស្រាបៀរបានមានប្រសាសន៍ថា
ជំហររបស់កម្មករនិយោជិតនឹងនៅតែ
បន្តធ្វើកូដកម្មប្រសិនបើមិនមានដំណោះស្រាយមួយសមរម្យសម្រាប់ពួកគេ។
លោក ស ម៉ូរ៉ា
ប្រធានសហព័ន្ធសហជីពកម្មករចំណីអាហារ និងសេវាកម្ម កម្ពុជា
ដែលបានចូលចរចាជាមួយភាគីថៅកែក្រុមហ៊ុនបានមានប្រសាសន៍ថា
ក្រោយពីជំនួបចរចាជាមួយភាគីក្រុមហ៊ុនអស់រយៈពេលជាច្រើនម៉ោងមក
ក្រុមហ៊ុនបានយល់ព្រមដំឡើងប្រាក់ឈ្នួលគោលទាបបំផុតត្រឹម ១៥០ដុល្លារ
ដល់កម្មករនិយោជិតទាំងអស់នៅក្នុងក្រុមហ៊ុន។ លោក ស ម៉ូរ៉ា បានបន្តទៀតថា
ចំនែកបញ្ហាផ្សេងៗទៀត
ភាគីថៅកែក្រុមហ៊ុនក៏បានលើកទឹកចិត្តឲ្យដាក់ជជែកពិភាក្សានៅពេលក្រោយ
ៗទៀត។
ខាងភាគីក្រុមហ៊ុនក៏បានបញ្ជាក់ពីជំហរក្នុងការដោះស្រាយបញ្ហាផ្សេងៗទៀតដែលកើតមាននៅគ្រប់ពេលវេលា
គឺក្រុមហ៊ុនរីករាយក្នុងការដោះស្រាយជូនកម្មករនិយោជិត ២៤ ម៉ោង៕
No comments:
Post a Comment