មានអាជ្ញាធរគំរាមនឹងចាប់ប្រជាសហគមន៍២នាក់ដោយសំអាងថាពួកគាត់ពាក់អាវទាហានជារឿងខុសច្បាប់ ពេលពួកគាត់ចូលរួមទប់ស្កាត់ដីរបស់សហគមន៍ជនជាតិដើមភាគតិចនៅឃុំប្រមេរ ស្រុកត្បែងមានជ័យ ខេត្តព្រះវិហារ។
មុនពេលកើតហេតុចាប់ខ្លួននេះ សហគមន៍នាំគ្នាប្រមាណ១១០នាក់ទៅទប់ស្កាត់ការឈូសឆាយដែលកំពុងតែបន្តយ៉ាងគំហុក ហើយពេលនោះប្រជាពលរដ្ឋ នាំគ្នាឈរ និងអង្គុយបាំងព្រៃចំពីមុខគ្រឿងចក្រដែលសំដៅឈូសព្រៃរបស់សហគមន៍គាត់។
គួររំលឹកថា សកម្មភាពឈូសឆាយទាំងនេះចេញពីក្រុមហ៊ុនឡានហ្វេង និងរូយហ្វេង ដែលទទួលអាជ្ញាប័ណ្ឌពីរដ្ឋាភិបាល។
សម្រាប់ការឈូសឆាយនេះមានផលប៉ះពាល់យ៉ាងខ្លាំងដល់សហគមន៍ ដីស្រែ ចំការវិលជុំ ប្រឡាយ ត្រពាំង ប្រាសាទបុរាណ កន្លែងប្រមូលអនុផលព្រៃឈើ និងកន្លែងចុះបញ្ជីដីធ្លីសហគមន៍ជាកម្មសិទ្ទិសមូហភាព។
សូមបញ្ជាក់ថា បញ្ហានេះគឺមិនទាន់មានដំណោះស្រាយដោយសមស្របណាមួយឡើយពីរដ្ឋាភិបាល ក្រុមហ៊ុន និងបណ្តាអ្នកពាក់ព័ន្ធនៅឡើយ។
ព័ត៌មាននិងរូបថតពីខេត្តព្រះវិហារ ដោយ @Luon Hoklek
No comments:
Post a Comment