កាលពីថ្ងៃទី១ ខែកុម្ភៈ ឆ្នាំ២០១៤ នៅសួនវឌ្ឍនៈ២ ដែលស្ថិតនៅតាមផ្លូវវេងស្រេង កម្មករ សង្គមស៊ីវីល និងបណ្ដាញព្រះសង្ឃឯករាជ្យ ប្រារព្វពិធីសូត្រមន្ត បួងសួងសុំ ដោះលែង លោក វ៉ន ពៅ (ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធហៅកាត់ថា អាយឌៀ (IDEA)), លោក ថេង សាវឿន (អ្នកសម្របសម្រួលសម្ព័ន្ធសហគមន៍កសិករកម្ពុជា(CCFC)) លោក ចាន់ ពុទ្ធិស័ក្ត សកម្មជនសិទ្ធិដីធ្លីតំបន់បឹងកក់ និងកម្មករ២០នាក់ទៀតដែលត្រូវអាជ្ញាធរចាប់ឃុំនៅមណ្ឌលកែប្រែ៣ (CC3)ខេត្តកំពង់ចាម ដោយគ្មានកំហុសកាលពីថ្ងៃទី២ ខែមករា ឆ្នាំ២០១៤ ក្នុងខណៈដែលពួកគាត់និងកម្មករជាច្រើននាក់ទៀតតវ៉ាទាមទារសុំតំឡើងប្រាក់ឈ្នួល១៦០ដុល្លារក្នុងមួយខែ ដើម្បីជីវភាពរស់នៅសមរម្យ។
ពិធីសូត្រមន្តនេះក៏បានបួងសួងសុំឲ្យតុលាការ និងអាជ្ញាធរពាក់ព័ន្ធស្វែងរកយុត្តិធម៌ជូនកម្មករដែលត្រូវកងកម្លាំងបាញ់សម្លាប់នៅថ្ងៃទី៣ ខែមករា ឆ្នាំ២០១៤នោះដែរ។
No comments:
Post a Comment