ក្រសួង​​ធនធានទឹក និងឧតុនិយម ព្រមាន​​​ ៖ សប្តាហ៍នេះ​ រាជធានី​ភ្នំពេញ​មាន​ភ្លៀងច្រើន និង​ខេត្ត​ពីរ​ អាច​​មាន​ជំនន់​ទឹកភ្លៀង​​​​

កាលពីថ្ងៃទី​២៣ សីហា ក្រសួងធនធានទឹក និង​ឧតុនិយម បានព្រមានថា រាជធានី​ភ្នំពេញ ​នឹង​មាន​​ភ្លៀងធ្លាក់​ខ្លាំង នៅ​ចន្លោះ​ថ្ងៃទី​២៥ ដល់ ២៨ សីហា។ ​ក្រសួង​ព្យាករណ៍​ថា ខេត្ត​កំពង់ស្ពឺ និង​ស្រុក​កំពង់សីលា ខេត្ត​ព្រះសីហនុ អាចនឹង​មាន ​ជំនន់ទឹកភ្លៀង​។ បើ​តាម​សេចក្តី ប្រកាស ព័ត៌មាន របស់​ក្រសួង ចាប់ពីថ្ងៃទី​២៥ ដល់ ថ្ងៃទី​២៨ សីហា ២០១៤ មានប្រព័ន្ធ​សម្ពាធទាបមួយ ឈ្មោះ ITCZ កើតឡើង និងអូសបន្លាយ​ កាត់ ប្រទេស​ថៃ និងឡាវ ព្រមទាំង​មាន ឥទ្ធិពល​ដល់កម្ពុជា ជាហេតុបង្ក អោយ​មានភ្លៀងធ្លាក់​ពី បង្គួរទៅ ច្រើន។ ហេតុដូច្នេះ ខេត្តជាច្រើន នៅកម្ពុជា អាចនឹង មានភ្លៀងធ្លាក់ច្រើន និងបង្គួរ។