សហគមន៍ឡពាង និងបឹងកក់បន្តរដាក់ញាត្តិទៅខុទ្ធការល័យលោកនាយករដ្ឋមន្ត្រី​ ហ៊ុន សែន

ភ្នំពេញ៖ នៅព្រឹកម៉ោង 8 ថ្ងៃទី27 ខែសីហា ឆ្នាំ2014នេះ ប្រជាពលរដ្ឋរងគ្រោះដីធ្លីខេត្តកំពង់ឆ្នាំង(ឡពាង្គ) រួមដំណើរដោយប្រជាសហគមន៍បឹងកក់ទាំងអស់ប្រមាណជា80នាក់ បានធ្វើការហែញត្តិ ដាក់ទៅខុទ្ទកាល័យលោកនាយករដ្ឋមន្ត្រីហ៊ុនសែន ដើម្បីជួយដោះស្រាយបញ្ហាដីធ្លីជូនពួកគាត់ តែត្រូវបានអាជ្ញាធរហាមឃាត់មិនឲ្យដើរ តែឲ្យជិះម៉ូតូកង់បី៕ នៅក្នុងញត្តិនោះគឺមានគោលបំណងបី គឺ ទី1៖ស្នើឲ្យមានការដោះលែងសកម្មជនរបស់ពួកគាត់ទាំង5រូបដែលត្រូវបានតុលាការខេត្តកំពង់ឆ្នាំងចាប់ខ្លួនកាលពីពេលកន្លងទៅឲ្យមានសេរីភាពដោយឥតលក្ខខណ្ឌ, ទី2៖ស្នើជួយដោះស្រាយបញ្ហាដីធ្លីរបស់ពួក គាត់ឲ្យបានឆាប់រហ័ស និងទី3៖ស្នើបញ្ឈប់ការចោទប្រកាន់ទៅលើសកម្មជនដីធ្លីបន្តទៀត និងឲ្យក្រុមហ៊ុនបញ្ឈប់ការធ្វើរបងលើដីរបស់ពួកគាត់ ហើយឲ្យដកកងកម្លាំងសមត្ថកិច្ចចេញពី តំបន់ដែលមានជម្លោះ។ ប៉ុន្តែរត្រូវបានហាមឃាត់ដោយអជ្ញាធរមិនឱ្យដើរដង្ហែរជាក្បួនទេ ដោយឱ្យប្រជាពលរដ្ឋធ្វើដំណើរតាមតុតុ ឬ រុឺម៉កកង់៣៕ 
រាយការណ៍ដោយ៖ ម៉ា ចិត្រា 

អ្នកភូមិឡពាង និងបឹងកក់រៀបចំចេញដំណើរ