សិក្ខាសាលាស្តីអំពី ការកែរប្រែតំបន់អារ៉ែងទៅជាតំបន់អេកូទេសចរណ៍

ភ្នំពេញ៖ នៅព្រឹកថ្ងៃទី31/08/2014 ក្នុងកម្មវិធីសិក្ខារសាលាស្តីអំពី (ការកែប្រែតំបន់អារ៉ែង ទៅជាតំបន់អេកូទេសចរណ៍) ដែលរៀបចំឡើងដោយសមាគមនិស្សិតបញ្ញវ័ន្តខ្មែរ នៅឯសណ្ឋាគារហ្រ្គីនភែលេស លោក វ៉ែន វ៉ន ដែលជាតំណាងប្រជាពលរដ្ឋបានមានប្រសាសន៍ថា ប្រជាពលរដ្ឋដែលរស់នៅក្នុងតំបន់អារ៉ែងគឺរស់នៅក្នុងតំបន់នោះគឺរស់នៅតាមបែបអាស្រ័យផលតាមរយៈការបរបាញ់សត្វ បោចវ័រ នេសាទត្រី ជាដើម ហើយការរស់នៅរបស់ពួកគាត់គឺប្រកបដោយភាពសុខដុមរម្យនា ហើយតំបន់អារ៉ែងគឺមានទំហំនៃព្រៃ ភ្នំចំនួនជាង 2ម៉ឺនហិចតាដែលពោរពេញទៅដោយធនធានធម្មជាតិគ្រប់ប្រភេទទាំងក្នុងដី ទឹក អាកាសជាដើម ហើយក្នុងនោះក៏មានសត្វដ៏កម្រគឺសត្វក្រពើភ្នំ និងត្រីនាគ៕ ជាមួយគ្នានេះ លោក វ៉ែន វ៉នក៏មានការព្រួយបារម្ភខ្លាំងបំផុតចំពោះគម្រោងនៃការសាងសងទំបន់វារីអគ្គិសនីនៅតំបន់នោះ ជាក់ស្តែងបច្ចុប្បន្នមានក្រុមហ៊ុនមួយ ឈ្មោះ Sinohydro ដែលជាក្រុមហ៊ុនរបស់ចិន មានគម្រោងធ្វើទំបន់វារីអគ្គសនី ហើយក្នុងគម្រោងនេះវាពិតប្រាកដណាស់ថា ប្រជាពលរដ្ឋដែលរស់នៅនឹងត្រូវជម្លៀសចេញ ហើយធនធានធម្មជាតិចំនួនជាង2ម៉ឺនហិចតានេះនឹងត្រូវវិនាសហិនហោចទាំងស្រុង។ លោក វ៉ែន វ៉នក៏បានស្នើទៅរដ្ឋាភិបាល ឲ្យបញ្ឈប់គម្រោងនៃការសាងសងនេះផងដែរ៕
រាយការណ៍ និងរូបភាពដោយ៖ Ma Chettra

លោកវ៉ែន វ៉ន តំណាងសហមន៍ជនជាតិដើមភាគតិចជងនៅតំបន់អារ៉ែង

សិក្ខាសាលាស្តីអំពី ការកែរប្រែតំបន់អារ៉ែងទៅជាតំបន់អេកូទេសចរណ៍