កាលពីថ្ងៃទី១៣ ជនជាតិចិន២នាក់បូករួមទាំងអ្នកបកប្រែម្នាក់ កងកម្លាំងប្រដាប់អាវុធជាច្រើននាក់ និងមន្ត្រីក្រសួងពាក់ព័ន្ធ បានមកដល់តំបន់ស្ទឹងអារ៉ែង ដើម្បីពិនិត្យមើលស្ថានភាពដែលត្រូូវខួងធ្វើវាវីអគ្គិសនី។ ប្រជាពលរដ្ឋលែងមានជំនឿទៅលើអាជ្ញាធររដ្ឋាភិបាល លោក ហ៊ុន សែន ទៀតហើយ ដូច្នេះពួកគាត់ត្រូវនាំគ្នាតវ៉ាប្រឆាំងដោយខ្លួនឯងផ្ទាល់។
លោក កែវ នីបូរ៉ា អភិបាលរងស្រុុកថ្មបាំង បានឲ្យដឹងថា ក្រុមហ៊ុនចិន Sinohydro បានបង្ហាញលិខិតលេខ២២៨ ចុះថ្ងៃទី៧ ខែមីនា ឆ្នាំ២០១៤របស់ក្រសួងឧស្សាហកម្ម រ៉ែ និងថាមពល ទៅអាជ្ញាធរស្រុកថ្មបាំង កាលពីថ្ងៃព្រហស្បតិ៍ថ្ងៃទី១៣ ខែមីនា ឆ្នាំ២០១៤។ លិខិតនេះ អនុញ្ញាតឲ្យនាំគ្រឿងចក្រចូល សិក្សា ប្រមូលទិន្នន័យបន្ថែម សម្រាប់គម្រោង វារីអគ្គិសនី ស្ទឹងឆាយអារ៉ែង ស្ថិតនៅក្នុងឃុំថ្មដូនពៅ។ លោកអភិបាលរង បានបន្ថែមទៀតថា ក្រុមហ៊ុនចិន នឹងត្រូវជួសជុលផ្លូវប្រវែង ៥៤ គ.ម. ខួង ពិនិត្យវាស់វែង ស្ទង់ទីតាំងផ្លូវបង្វែរទឹកក្រោមដីប្រវែង៤៩០ម៉ែត្រ។
នៅថ្ងៃសុក្រនេះ ក្រុមហ៊ុន នាំគ្រឿងចក្រចូល តែជំហានដំបូងគឺជួសជុលផ្លូវតភ្ជាប់ពីផ្លូវ៤៨ទៅឃុំជំនាប់។
អង្គការមាតាធម្មជាតិ (Mother Nature) ដែលមានលោក អាឡិច (Alex Jandro Gonzaler) ជាប្រធាននោះ បានគ្រោងដឹកនាំប្រជាសហគមន៍ជនជាតិដើមភាគតិចដែលប្រឈមផលប៉ះពាល់ក្នុងឃុំជំនាប់ ឃុំប្រឡាយ ធ្វើការបិទផ្លូវរារាំងក្រុមហ៊ុនចិននេះ៕
ព័ត៌មានបន្ថែមសូមទាក់ទងតំណាងសហគមន៍ ឈ្មោះ វ៉ែន វ៉ន តាមទូរស័ព្ទលេខ ០៨៨ ៧៩៣ ២២២៨
No comments:
Post a Comment