កំពង់សោម, ថ្ងៃទី២៣ ខែវិច្ឆិកា ឆ្នាំ២០១៣៖ នៅល្ងាចថ្ងៃទី២៣ ខែវិច្ឆិកា ឆ្នាំ២០១៣ អង្គការ សមធម៌កម្ពុជា (Equitible Cambodia, (EC)) បានរៀបចំកិច្ចប្រជុំឆ្លុះបញ្ចាំងមួយនៅ Cambodia Resort ជាមួយ និងសហគមន៍មូលដ្ឋាន និងក្រុមយុវជននិស្សិតផ្នែកច្បាប់ ដោយមាន អ្នកចូលរួមសរុប៣៥នាក់ ក្នុងនោះមានស្ត្រី១៨នាក់។
 |
Sihanoukville, by Luon Hoklek, a Cambodia Media Operator,
November 23, 2013 |
យោងតាមលោក ប៊ុត មករា មន្ត្រីគម្រោង នេះបានរៀបរាប់ប្រាប់ឲ្យដឹងថា គម្រោងអប់រំ និងផ្សព្វផ្សាយច្បាប់សហគមន៍ (សីលា) នៃអង្គការសមធម៌កម្ពុជា (EC) បានបើកកិច្ចប្រជុំឆ្លុះបញ្ចាំងសកម្មភាពរបស់ខ្លួនដែលសហគមន៍បានចាប់ដែគូនឹងគ្នានៅឆ្នាំ២០១៣ដើម្បីចែករំលែកបទពិសោធន៍គ្នាទៅវិញទៅមក រកចំណុចខ្លាំងនិងចំណុចកែលម្អដើម្បីធ្វើផែនការរួមគ្នាឲ្យសមស្របមួយដើម្បី និងបន្តការជួយផ្សព្វផ្សាយច្បាប់ និងសិទ្ឋិដល់សហគមន៍មូលដ្ឋានឲ្យកាន់តែមានប្រសិទ្ឋភាព។
ក្នុងនោះដែរអង្គការក៏បានរៀបចំកិម្មវិធីញ៉ាំអាហារពេលល្ងាចរួមគ្នានៅមាត់សមុទ្រ និងលេងល្បែងកំសាន្ត ព្រមទាំងរាំកំសាន្តតាមប្រពៃណី ហើយមានការថ្លែងអំណរគុណដល់គ្រូបង្គោលទាំងក្រុមយុវជននិងសហគមន៍ ព្រមទាំងបានប្រគល់បណ្ណសរសើរលើកទឹកចិត្តព្រមទាំងប្រគល់វត្ថុអនុស្សាវរីយ៍ជូនគ្រូបង្គោលឆ្នើម និងសកម្ម សម្របសម្រួលបានល្អ និងមានឆន្ទៈក្នុងការបំពេញការងារ។
កិច្ចប្រជុំឆ្លុះបញ្ចាំងនេះបានដំណើរការចប់សព្វគ្រប់នៅវេលាម៉ោង១០យប់នៅថ្ងៃខែឆ្នាំដដែលក្រោមបរិយាកាសសប្បាយរីករាយមានភាពស្និទ្ឋស្នាល និងទទួលបានផ្លែផ្កាជាទីគាប់ចិត្ត៕ (
អត្ថបទនិងរូបថតដោយ លោក ហុកឡេក អ្នកកាសែតសហគមន៍)
No comments:
Post a Comment